1. Басты
  2. Біл
  3. Жаңалықтар
  4. Ел жаңалықтары

Елімізде қанша қазақстандық кедейлік шегінде?18 тамыз 2020, 17:49

Еңбек және халықты әлеуметтік қорғау вице-министрі Серік Шәпкенов елімізде қанша қазақстандық кедейліктің шегінде екенін айтты, - деп хабарлайды Tengrinews.kz тілшісі. 

"Кедейлік шегіндегілер атаулы әлеуметтік көмек алып отыр. Қазіргі таңда бұл көмекті 131 мың отбасы алады. Биылдан бастап атаулы әлеуметтік көмек жаңа формат бойынша беріледі. Яғни азық-түлік себеті және тағы басқа бойынша", - деді ол орталық коммуникациялар қызметінде өткен баспасөз мәслихатында.

Оның айтуынша, 2020 жылдың 1 қаңтарынна бастап елімізде 107 мыңнан аса адам атаулы әлеуметтік көмекті алған.

"Олар пандемияға дейін және одан кейін бұл төлемді алды. Пандемияның барлық кезеңінде eGov порталы арқылы бұл көмекті алуға 29 мың адам өтініш берді", - деді вице-министр.

Қазақстан жаңалықтары. Соңғы жаңалықтар. Telegram желісінде бізге жазыл!