+7 (777) 001 44 99
Қазақша
Русский
English
Қазақша
Русский
English
Білім және ғылым министрі Асхат Аймағамбетов Ұлттық бірыңғай тестілеуді электронды форматта өткізу жоспарланып отырғанын айтты - деп хабарлайды Tengrinews.kz тілшісі.
"ҰБТ өткізу процедурасын өзгертуді жоспарлап отырмыз. ҰБТ кезінде оқушылар алдауға барады - телефондарын алып өтеді, өз біліміне сеніп, көбірек балл алуды ойламайды. Басқа факторлардың көмегімен жақсы тапсырып шыққысы келеді. Сондықтан біз ақырындап ҰБТ-ны электронды форматта тапсыртуды жоспарлап отырмыз. Бізге ҰБТ-ның грант берілу кезінде шынайылық пен әділдікке кепіл болғаны керек", - деді министр Нұр-Сұлтанда өткен Тамыз конференциясы барысында.
Тоқаевтың Тамыз конференциясындағы мәлімдемелері
Айта кетейік, Тамыз конференциясына Қазақстанның 2000-нан аса мұғалімі келді. Сондай-ақ, Президент Қасым-Жомарт Тоқаев конференция барысында мұғалімдердің жалақысын екі есеге арттыруды тапсырды. "Мұғалімдердің жалақысы төмен және экономика бойынша орташа жалақының 65 пайызын құрайды. Үкіметке мұғалімдердің жалақысын төрт жыл ішінде екі есеге арттыруды тапсырамын", - деді Президент.
