+7 (777) 001 44 99
Қазақша
Русский
English
Нұр-Сұлтанда Nur-AvtoKz автоорталығы директоры алаяқтық жасады деген күдікпен ұсталды, - деп хабарлайды Tengrinews.kz тілшісі елордалық полиция департаментіне сілтеме жасап.
Департамент мәліметінше, тұрғындар полицияға Nur-AvtoKz басшылығының үстінен шағым түсірген. Олардың айтуынша, ол алдап клиенттерден ақша алған.
"Компанияның 28 жастағы директоры автокөліктерді сатамын деп азаматтармен келісімшарт жасасқаны, бірақ шарттарды орындамағаны анықталды. Сонымен қатар, күдікті сату-сатып алу келісімшарттарын жасап, азаматтардың көліктерін алған, бірақ ақшасын төлемеген. Кейін көлік үшінші біреуге сатылған", - деп хабарлады ДП баспасөз қызметінде.
Құқық қорғау органдарының мәліметінше, полиция алаяқтық дерегі бойынша қылмысты тіркеп, сотқа дейінгі тергеуді бастаған. Nur-AvtoKz ЖШС директоры тергеу изоляторына қамалды. Қазір тергеу жүріп жатыр.
КТК телеарнасының хабарлауынша, жәбірленушілер 7 миллиард теңгеге алданған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
