+7 (777) 001 44 99
Қазақша
Русский
English
Елордада қарды уақытылы тазаламағаны үшін 50 ПИК (басқарушы компаниялар, ЖШС) айыппұл салынды. Жалпы сома 1 миллион 187 мың теңгеден асты, - деп хабарлайды Тengrinews.kz тілшісі. Бұл туралы Нұр-Сұлтан қаласы әкімдігінің баспасөз қызметінің өкілі Ақмарал Олжабай Facebook желісіндегі парақшасында жариялады.
Қысқы кезеңнің басынан бастап "Қалалар мен елді мекендерді абаттандыру ережелерін бұзу" ҚР ӘҚБК 505-бабын бұзғаны үшін 23 мердігер ұйым әкімшілік жауапкершілікке тартылды, айыппұл сомасы 1 миллион 800 мың теңгеге жеткен.
Мысалы, "REM.KZ" ЖШС Азия парк СОО-ның маңайындағы аумақты дер кезде қар мен мұздан тазаламағаны үшін 126 250 теңге айыппұл салынды.
Айта кету керек, кеше қаланы қардан тазалау жұмыстарына 1 мыңнан астам арнайы техника мен 1652 жол жұмысшылары жұмылдырылды. 23 желтоқсаннан 24 желтоқсанға қараған түні 24 150 текше метр қар шығарылды (2013 рейс). Барлығы 1 051 668 текше метр қар шығарылды, бұл 87 639 рейс.
