Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Ері нәпақа тауып бере алмаған жағдайда әйелі талақ айта алады - ҚМДБ

29 Қазан 2015, 15:02
5
© woman.ru
© woman.ru

Бүгін Алматы қаласында Қазақстан мұсылмандары діни басқармасы жанындағы Ғұламалар кеңесі өтіп жатыр. Келелі кеңес барысында қоғамдағы күрделі мәселелердің бірі талаққа (ажырасуға) байланысты арнайы шешім шығарылды, - деп хабарлайды Tengrinews.kz тілшісі ҚМДБ баспасөз қызметіне сілтеме жасап.

"Қазіргі таңда талаққа (ажырасуға) қатысты кейбір мәселелер елімізде дауға айналып отыр. Шариғатта талақ ету билігі ер кісіге берілген. Алайда белгілі бір себептер негізінде әйелдің қазиға шағымдануы арқылы да ерінен ажырасуына рұқсат беріледі", - делінген хабарламада. 

Сонымен қатар, әйелдің немесе туыстарының қазиға жүгіне отырып, ерінен қандай жағдайларда ажырасуына құқығы бар екендігі айтылды. Олар:

- Күйеуі белсіздік, СПИД секілді айықпас қатерлі дертке шалдыққанда;
- Ері әйеліне нәпақа тауып бере алмаған жағдайда;
- Күйеуі отбасын себепсіз ұзақ мерзімге тастап кеткен жағдайда;
- Ері әйелін ұдайы денесіне із қалдыратындай ұрып-соғатын болса;
- Ері төрт ай немесе одан да көп уақыт әйеліне жақындамауға ант ішіп, сол уақыт аралығында мүлдем жақындамайтын болса;
- Ері әйелін "зина жасады" деп немесе "мынау менің балам емес" деп айыптап, іс қазидың құзырында қаралып, қази бір-біріне лағынет айтқызғанда;
- Ері әйелін қараусыз қалдырып, әйеліне талақ берместен себепсіз ұзақ уақыт әурелесе.

Мұнымен бірге, ҚМДБ өкілдері бұл мәселеде екі жақтың туыстары ерлі-зайыптыларды татуластыра алмаған жағдайда ғана қазиға жүгінетінін әрі қазилың қызметін ҚМДБ Шариғат және пәтуа бөлімінің атқаратынын ескертеді. 

"ҚМДБ ғұламалар кеңесінің басты қызметі қазіргі таңда қоғамда туындап жатқан жаңа мәселелерге шешім, пәтуа шығарып, діни сауаттылықты арттыру", - делінген хабарда.


Нравится
Поделиться
Пікірлерді көру (5)
Оқылып жатыр
Талқыланып жатыр
Бүгін
Апта
Ай