+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ерасыл Әубәкіровтің өлімі бойынша іс прокуратураға жіберілді, - деп хабарлайды Tengrinews.kz тілшісі іс фигуранттарының бірі Нұрбек Әжімбайдың адвокаты Серік Сәрсеновке сілтеме жасап.
Ерасыл Әубәкіровтің өлімі бойынша іс прокуратураға жіберілді, - деп хабарлайды Tengrinews.kz тілшісі іс фигуранттарының бірі Нұрбек Әжімбайдың адвокаты Серік Сәрсеновке сілтеме жасап.
Сәрсеновтің айтуынша, тараптар 27 томнан тұратын іспен танысып болды. Осыдан кейін адвокаттың айтуынша, іс не сотқа беріледі, не қайта тергеуге жіберіледі. Сәрсенов істің прокуратураға берілгенінен кейін іс мәліметтерін жария етпеу туралы қолхаты күшін жойды.
Алайда Сәрсеновтің мәліметінше, осы іс бойынша жәбірленуші ретінде Ерасыл Әубәкіровтің туыстары ғана емес, сонымен қатар Аян Мейірбаев пен оның әкесі де танылып отыр екен.
Адвокаттаың айтуынша, іспен танысқаннан кейін ол осы іс бойынша болып өткен өндірісті жарамсыз деп тауып, Нұрбек Әжімбайды қылмыстық қудалауды тоқтатуға өтініш берген. Себебі Қылмыстық-процесстік кодекс заңнамасы айтарлықтай бұзылған. Нақтырақ айтқанда, Сәрсеновтің айтуынша, бұл ер адамның қорғануға құқығы болмаған.
Еске салайық, Астанада Медицина Университетінің алтыншы курс студенті, 23 жастағы Ерасыл Әубәкіров 3 ақпанда жоғалып кеткен болатын. Жас жігіттің жоғалып кеткені туралы ақпаратты әлеуметтік желілерге досы Диас жариялаған еді. Әубәкіровтің денесі 10 ақпанда жедел-іздестіру жұмыстарының барысында табылды. Қылмыс жасады деген күдікпен төрт адам ұсталды. Әубәкіров интерн-хирург болған. Студенттің достары оның үздік оқығанын, белсенді болып, қатарластарымен жақсы қарым-қатынаста болғанын атап өтті.
Адам өлтірді деген күдікпен төрт адам ұсталды - Аян Мейірбаев, Андрей Тихоненко, Виталий Шерстенев және Нұрбек Әжімбай. Шілде айының соңында негізгі күдіктілердің бірі саналған Аян Мейірбаевқа қатысты қылмыстық қудалаудың тоқтатылғаны белгілі болды. Ол бостандыққа шықты. Қалған үш күдіктіге қатысты 10 тамызға дейін қамау мерзімін ұзарту туралы шешім шығарылды. Шілде айының басында осы іс бойынша тергеу аяқталды.
