+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қарағанды облысы әкімінің орынбасары қызметін атқарған Ермағанбет Бөлекпаев Қарағанды қаласының әкімі болды, - деп хабарлайды Tengrinews.kz тілшісі.
Қарағанды облысы әкімінің орынбасары қызметін атқарған Ермағанбет Бөлекпаев Қарағанды қаласының әкімі болды, - деп хабарлайды Tengrinews.kz тілшісі.
Қарағандының жаңа басшысын мәслихат депутаттарымен келіскеннен кейін өңір басшысы Жеңіс Қасымбек таныстырды.
Ермағанбет Бөлекпаев 1975 жылы 2 қыркүйекте Қарағанды облысы Шет ауданы Успенка ауылында дүниеге келген. Оның екі жоғары білімі бар: құқықтық және экономикалық. Еңбек жолын "Казкоммерцбанк" ААҚ Павлодар филиалында экономист болып бастап, кейін "Бизнес-информ" ақпараттық-коммерциялық орталығы өкілдігінің директоры болды. 1998 жылдан бастап ҚР Индустрия және сауда министрлігінде түрлі лауазымдарда жұмыс істеді. Қазақстан Республикасы Парламенті Сенаты депутатының көмекшісі, Павлодар облысы әкімінің көмекшісі болды. 2005 жылдан бастап Павлодар облысы әкімі аппараты басшысының орынбасары, кейін Павлодар қаласы әкімі аппаратының басшысы.
2011 жылдың шілдесінен 2013 жылдың шілдесіне дейін Қазақстан Республикасы Мемлекеттік қызмет істері агенттігінің басқарма бастығы - Оңтүстік Қазақстан облысы бойынша Тәртіптік кеңестің төрағасы. Одан кейін Нұр-сұлтан қаласы "Сарыарқа", "Алматы", "Есіл" аудандарының әкімі болып тағайындалды. 2018 жылдың ақпан айынан бастап Қазақстан Республикасы Президенті Әкімшілігінің мемлекеттік инспекторы қызметін атқарды. 2018 жылдың желтоқсан айынан бастап осы күнге дейін Қарағанды облысы әкімінің орынбасары қызметін атқарды.
Еске салайық, Нұрлан Әубәкіров 2014 жылдың маусымынан бастап кеншілер астанасын басқарды. Отырыс барысында ол әріптестеріне бірлескен жұмысы үшін алғыс айтты.
"Туған және өскен қаланы 6 жыл басқару - зор құрмет және үлкен жауапкершілік", - деді Нұрлан Әубәкіров.
Қазақстан жаңалықтары. Соңғы жаңалықтар. Telegram желісінде бізге жазыл!
