17 маусым 2015 | 11:58

Ертең күллі мұсылман үшін қасиетті Рамазан айы басталады

Ертең күллі мұсылман үшін қасиетті Рамазан айы басталады, - деп хабарлайды Tengrinews.kz тілшісі. Биылғы Рамазан маусымның 18-нен шілденің 16-на дейін жалғасады. Оразаның жалпы уақыты - 29 күн.

Ертең күллі мұсылман үшін қасиетті Рамазан айы басталады, - деп хабарлайды Tengrinews.kz тілшісі. Биылғы Рамазан маусымның 18-нен шілденің 16-на дейін жалғасады. Оразаның жалпы уақыты - 29 күн.

Астана әкімдігінің мәліметінше, Рамазан айы кезінде елордада түрлі қайырымдылық шарасы ұйымдастырылып, кешкі ас беріледі. Сонымен қатар, ораза кестесінің 50 мың данасы таратылады.

"Астана қаласының Дін басқарамысының хабарлауынша, ораза уақыты кезінде елордада қарттар үйіне, балалар үйіне және көпбалалы, аз қамтылған отбасыларға көмек көрсету акциялары өткізілетін болады. "Әзірет Сұлтан" және "Нұр Астана" мешіттерінде 400-500 адамға арналған ауыз ашар ұйымдастырылады", - дейді әкімдіктегілер.

Еске сала кетейік, бұған дейін биыл Қазақстан бойынша пітір садақаның құны жан басына 200 теңге болып белгіленгені хабарланған еді. Ораза айттың бірінші түні 16 шілдеден 17 шілдеге қараған түні болады, Ораза айт үш күнге жалғасады.

Ислам Дін Астана

TENGRI travel