Ескінің жұғындысы қазақстандықтардың жетістікке жетуіне кедергі болады - Назарбаев

22 Мамыр 2015, 12:29
1
Ескінің жұғындысы қазақстандықтардың жетістікке жетуіне кедергі болады - Назарбаев - ©Тұрар Қазанғапов
©Тұрар Қазанғапов

Президент Нұрсұлтан Назарбаев қазақстандықтарға жетістікке жетуге не кедергі екенін айтты, - деп хабарлайды Tengrinews.kz тілшісі.

"Біздің ел жүзеге асырылуы қиын мақсаттарды алға қойды. Сондықтан мен бес ірі реформаны атап көрсеттім. (...) Алға қойған мақсатымызға жетуге ескінің жұғындысы кедергі болады. Кеңес Одағы құрамында болған 75 жылда бірнеше буын тек бір бағытпен өмір сүрді - өмірге келесің, октябрист боласың, кейін комсомол және жұмыс істейсің. Бәрі де жұмысқа орналасады, бәрінің құқығы тең, оған қоса әр адам өзінің пәтеріне байланып қалады. Не оны сата, не ауыстыра алмайсың. Бұл мүлде бөлек тәсіл", - деді ол Астана экономикалық форумында.

"Қазір біз адамдардың табыс тауып, өзі байып, жетістікке жетуіне, сонымен қатар мемлекетке көмектесуіне барлық жағдайды жасап отырмыз. Енді өмір сүруге жағдай жасау үшін жемқорлық, таныс-тамырмен емес, тек өз күшімізбен жетуге тура келеді. Бар мәселе осында. (...) Біз қазір басқаша, яғни нарықтық жағдайда өмір сүруді үйретуге тырысып жатырмыз", - деді ол.

Астана экономикалық форумы 2008 жылдан бері өткізіліп келеді. Кезекті рет Тәуелсіздік Сарайында өтіп жатқан шарада әлем экономикасының мәселелері мен дағдарыстан шығу жолдары, мұнай бағасы талқыланып жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай