+7 (777) 001 44 99
Қазақша
Русский
English
Қазақстанның бас санитар дәрігері Айжан Есмағамбетова COVID-19 вирусына тест тапсыру неге қымбат екенін түсіндірді, - деп хабарлайды Tengrinews.kz тілшісі.
"Біз коронавирусқа тест тапсыру бағасының қымбат екенін байқап отырмыз. Бірақ денсаулық сақтау министрлігі бағаны реттей алмайды. Бағаны нарық реттейді", - дейді ол.
Айжан Есмағамбетова коронавирусқа тест тапсыратын адамдардың саны өсіп жатқанын жеткізді.
"Қазіргі таңда біз "кім тест тапсыруы қажет?" деген мәселені талқыға салып жатырмыз. Тест тапсырушылардың саны артуы мүмкін. Сонда белгілі бір категория мемлекет немесе міндетті әлеуметтік сақтандыру есебінен қосымша тест тапсырады", - дейді бас санитар дәрігер.
Айта кетейік, Қазақстанда коронавирус жұқтырғандардың саны 3 988-ге жетті. 1107 науқас жазылды, 27 адам қайтыс болды.
