+7 (777) 001 44 99
Қазақша
Русский
English
Қазақша
Русский
English
Астана полицейлері EXPO-2017 көрмесі аумағына аңшылық оқ-дәрілерді алып өтпек болған ер адамды ұстады, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.
"20 маусымда сағат 11.00-де EXPO-2017 халықаралық көрмесінің бақылау-өткізу пунктінде полицейлер ішінде 5 оқ бар полиэтилен пакетті анықтады", - делінген баспасөз қызметінің хабарламасында.
Елордалық полицейлердің видеобақылау жүйесінің көмегімен қысқа уақыт аралығында күдіктіні ұстағаны айтылады. Ұсталған ер адамның Қарағанды облысының 22 жастағы тұрғыны екені белгілі болды.
"Ер адамның аңшы екені белгілі болды. Ұсталған ер адамны айтуынша, ол қалтасында оқтардың бар екенін ұмытып кеткен. Яғни, ол өзінің әрекетінің қасақана емес екенін айтып отыр", - деді баспасөз қызметіндегілер.
Полициядағылар бұл деректің ҚР Қылмыстық кодексінің 287- бабы бойынша ("Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру") cотқа дейінгі тергеудің бірыңғай реестріне тіркелгенін айтты. Тергеу басталды. Ұсталған ер адамға қатысты тергеу жұмыстары жүргізіліп жатыр.
ІІД өкілдері көрме аумағына травматикалық және суық қаруларды, тілгіш заттарды, радиоактив, улы, күйдіргіш, органикалық заттарды, өртенгіш, жанар-жағармай материалдарын, өртке алып келетін заттарды алып кіруге тыйым салынғанын еске салды.
