+7 (777) 001 44 99
Қазақша
Русский
English
Астана қаласындағы жоғары оқу орындарының жатақханалары EXPO-2017 көрмесіне келуші туристерді қабылдауға дайын, - деп хабарлайды Tengrinews.kz тілшісі. Бұл туралы Л. Н. Гумилев атындағы Еуразиялық ұлттық университеттің ректоры Ерлан Сыдықов мәлімдеді.
"Бұл ұлттық жоба болғандықтан, ЭКСПО-2017 көрмесінің ойдағыдай өтуі үшін өз үлесімізді қосуымыз керек. Сол себепті де біздің жатақханалар жаз кезінде туристтерге есігін айқара ашады, өйткені қаладағы қонақүйлер саны келушілердің барлығын қоныстандыра алмауы мүмкін", - деді Ерлан Сыдықов журналистерге берген сұхбатында.
Осыған дейін, Қазақстанда EXPO-2017 қатысушылары мен келушілеріне туристтік бағыттар тізімі бекітілгенін жариялады.
