+7 (777) 001 44 99
Қазақша
Русский
English
Қазақстандық Telegram-арналардың бірінде COVID-госпитальдар жағдайы ауыр науқастар мен вакцина алғаннан кейін өлім аузында жатқан адамдарға толғаны жайлы хабарлама тарады. Бұл ақпаратты Қазақстан Денсаулық сақтау министрлігі теріске шығарды, - деп хабарлайды Tengrinews.kz тілшісі StopFake.kz басылымына сілтеме жасап.
Елімізде вакцина алғандар арасында COVID-19 жұқтырғандар бар, бірақ олардың саны аз.
"Қазақстанда вакцина салдырған 3 246 795 адамның 0,05 пайызы ғана ауру жұқтырды", - деп хабарлады ҚР Денсаулық сақтау министрлігіндегілер.
Сонымен қатар ведомство өкілдері вирус жұқтырғандардың басым бөлігі препараттың бірінші дозасын ғана алғанын мәлімдеді. Оларда коронавирусқа қарсы иммунитет толық қалыптаспаған.
Айта кетейік, АҚШ-тың Ауруды бақылау және профилактика орталығының мәліметінше, 2021 жылдың 21 маусымында вакцина алған адамдар арасында 4 115 ауру жұқтыру жағдайы тіркелген. Бұл сол уақыттағы әлем бойынша вакцина алғандар санының 0,002 пайызына тең.
Бұл деректер бұрынырақ хабарланған вакцина тиімділігімен сәйкес келеді. Phizer/BioNTech препараты - 92 пайыз, Moderna - 94 пайыз, AstraZeneca - 74 пайыз, "Спутник-V" - 92 пайыз, Sinopharm (Hayat-Vax) - 73 пайыз.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
