+7 (777) 001 44 99
Қазақша
Русский
English
Қазақша
Русский
English
"Ашық НҚА" порталында Қосшы бас жоспарының жобасы жарияланды. Онда қаланың алдағы 14 жылда қалай дамитыны туралы болжам берілген, - деп хабарлайды Tengrinews.kz тілшісі.
Қалада тұрғын үй жылжымайтын мүліктің жалпы ауданын қазіргі 1285 мың шаршы метрден 4500 мыңға дейін 3,5 есеге ұлғайту жоспарланған. Бұл жоспарлар, құжат авторларының есептеулеріне сәйкес, 2023 жылдан 2038 жылға дейін қала халқы үш есеге арту ықтимал дегенге байланысты құрылған.
"Соңғы 24 жылда елді мекендегі халық саны 29,7 есеге артты. Осыған байланысты жобаланатын қала халқының болжамды санын анықтау кезінде халық санын геометриялық ұлғайту әдісі қабылданды. Бұл әдіс халықтың өсу қарқыны қазіргі уақытта халық санына пропорционалды жас және дамушы қалалар үшін қолданылады (яғни dP/dt ∝ P). Сондықтан халықтың пайыздық өсімі тұрақты болады деп болжанған. 2023 жылғы 1 қаңтарда қала тұрғындарының саны 51 664 мың адам болды, бірінші кезекте 107,00 мың адамды, есепті мерзімде (2038 жыл) 150,00 мың адам болады", - делінген құжатта.
Бас жоспар авторларының айтуынша, Қосшы:
- дамыған қала, Астанаға контрмагнит (аймақ тұрғындарын тарту орталығы);
- Астана маңындағы азық-түлік аймағы орталықтарының бірі (ауыл шаруашылығы өнімдерін қайта өңдеу);
- елордалық логистикалық желіге біріктірілген өңірдің көлік-логистикалық орталықтарының біріне айналуы керек.
Бас жоспар жобасы 17 шілдеге дейін талқыланады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
