+7 (777) 001 44 99
Қазақша
Русский
English
Атырау облысы әкімінің бұрынғы орынбасары Бақытгүл Хаменова сот залынан босап шықты, - деп хабарлайды Tengrinews.kz тілшісі ATPress.kz басылымына сілтеме жасап.
15 қарашада Атырау қалалық №2 сотында судья Жұмағали Ташимов облыс әкімінің бұрынғы орынбасары Бақытгүл Хаменова мен мәдениет басқармасының экс-басшысы Ақылбек Рысқалиевке және мердігер мекеме өкілі Адамовтың ісіне қатысты сот үкімін оқыды.
Фото: ATPress.kz
Сотталушы Хаменоваға 7 жыл мерзімге бас бостандығынан айыру жазасы тағайындалды, оның 2 жас баласының болуына байланысты ҚК-тің 74-бабының 1-бөлігін қолданумен жазаны орындау 3 жылға кейінге қалдырылды.
Рысқалиевке 7 жыл, Адамовқа 4 жыл мерзімге бас бостандығынан айыру жазасы тағайындалды. Сотталушылардың барлығы мемлекеттік қызметте лауазымдарды атқару құқығынан өмір бойына айырылды. Қазақстан Республикасының Президентіне Хаменованы "Құрмет" орденінен айыру туралы ұсыныс енгізілді.
Сот үкімі заңды күшіне енген жоқ. Осылайша, Хаменова сот залынан босады. Ол үкім заңды күшіне енген жағдайда 3 жылдан соң тағайындалған жазасын өтейтін болады. Оның тергеу изоляторында өткен 1 күні, 1,5 күн болып есептеледі. Ал Рысқалиев пен Адамовтың үйқамақтағы мерзімінің 2 күні 1 күнге теңестірілмек.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
