+7 (777) 001 44 99
Қазақша
Русский
English
Президенттікке ниет білдіруші Хасен Қожа-Ахмет лингвистика комиссиясы емтиханын тапсыруға кірісті, - деп хабарлайды Tengrinews.kz тілшісі.
Өзін-өзі ұсынушы - Алматының 1949 жылы туған тұрғыны Орталық сайлау комиссиясы тізіміне Қазақтың спорт және туризм академиясы президентінің кеңесшісі деп тіркелген. Ол өзін Қазақстанның тұңғыш оппозиционері санайды. "Ең алғаш рет мен 1991 жылы - Кеңес Одағы заманында сайлауға түскім келді. Ересектер біледі, ЦУМ маңында екі киіз үй тұрды. Мені ол кезде "Желтоқсан" партиясы ұсынды", - деді Қожа-Ахмет.
"Қазір сайлауға өзімнің жартылай философиялық бағдарламаммен қатысып отырмын, ол "Жаңаша ойлау" деп аталады. Адамзат қайда бара жатыр? Таңдаған жолы дұрыс па, жоқ па?! Қазақстан ғана емес, жалпы адам баласы қайда бара жатыр? Қайда асығып барады? Одан не шығады?" - деді емтихан тапсырушы.
