Интерпол LRT ісі бойынша күдіктінің орналасқан жерін анықтады

Талғат Ардан, Қанат Сұлтанбеков. Фото: alrt.kz/strategy2050.kz

Интерпол қызметкерлері LRT ісі бойынша күдіктілердің бірінің орналасқан жерін анықтады. Бұл туралы Астана прокуратурасы мәлімдеді, - деп хабарлайды Tengrinews.kz тілшісі "КТК" телеарнасына сілтеме жасап.

Интерпол қызметкерлері LRT ісі бойынша күдіктілердің бірінің орналасқан жерін анықтады. Бұл туралы Астана прокуратурасы мәлімдеді, - деп хабарлайды Tengrinews.kz тілшісі "КТК" телеарнасына сілтеме жасап.

"Интерпол мәліметтеріне сүйенсек, қылмыстық іс бойынша айыпталушылардың бірі батыс елдерінен анықталған. Экстрадициялау бойынша бірқатар іс-шаралар жүргізіліп жатыр", - деді Астана прокурорының орынбасары Азамат Ермаханов.

Прокуратура өкілі нақты кімнің орналасқан жері анықталғанын нақтыламады.

Бұл мәліметтерді Instagram парақшасында Қуандық Бишімбаевқа қатысты істі жүргізген прокурор Айжан Аймағанова жариялады.

LRT ісі бойынша тергеу бес жыл бұрын аяқталды. Осы уақыт ішінде басты айыпталушылар, яғни "Астана LRT" экс-басшысы Талғат Ардан мен Астана әкімінің бұрынғы орынбасары Қанат Сұлтанбеков халықаралық іздеуде жүр.

Бұған дейін Бас прокурордың орынбасары Әсет Шындалиев Астана әкімінің бұрынғы орынбасары Қанат Сұлтанбеков пен Astana LRT бұрынғы басшысы Талғат Арданды іздестіру бойынша іс қай сатыда екенін айтты.

Айта кетейік, Астана әкімінің бұрынғы орынбасары Қанат Сұлтанбеков 5,3 жыл іздеуде.

Astana LRT бұрынғы басшысы Талғат Ардан 6 жылдан бері іздеуде.

Еске салайық, 2023 жылы мамырда Астананың қылмыстық істер жөніндегі мамандандырылған ауданаралық сотында LRT ісі бойынша айыпталушылар Талғат Ардан мен Қанат Сұлтанбековке сырттай үкім жарияланды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

lrt күдікті Іздестіру