+7 (777) 001 44 99
Қазақша
Русский
English
Солтүстік Ирландиядағы орта мектептердің бірінде оқып жүрген оқушы бала Өскеменде тұрып жатқан әкесін алимент өндіріп алды, - деп хабарлайды Semeyainasy.
Басылымның мәліметінше, оқушы бала мектептегі қажеттіліктері үшін 15 айлық есептік көрсеткіш көлемінде ақша талап еткен.
"Арыз беруші Ұлыбритания Корольдігі Солтүстік Ирландиядағы орта мектепте оқып жатқанына байланысты алимент өндіріп алмақшы болды. Ол оқуын 2018 жылдың 30 маусымына дейін аяқтады жоспарлаған. Сондықтан оқу аяқталғанша 15 айлық есептік көрсеткіш көлемінде ақша талап еткен", - деп хабарлады Өскемен қалалық сотындағылар.
Алайда баланың әкесі оның талабына келіспейтінін айтқан. Айтуынша, баласына Қазақстанда-ақ оқуға болар еді. Сондықтан ол алимент төлеуден бас тартқан.
Алайда сот оның жауабы негізсіз деген қорытындыға келіп, кәмелетке толмаған балаға 15 айлық есептік көрсеткіш көлемінде ақша өндіру туралы шешім шығарады.
