+7 (777) 001 44 99
Қазақша
Русский
English
Қазақстандық кәсіпкер Айдын Рахымбаев елордадағы саябақтардың бірінде жүгіріп жүрген кезде ҚР Президенті Әкімшілігінің басшысы Әділбек Жақсыбеков пен ҚР Ұлттық қауіпсіздік комитетінің төрағасы Кәрім Мәсімовті қалай кездестіріп қалғанын айтып берді, - деп хабарлайды Tengrinews.kz тілшісі.
Кәсіпкердің Facebook желісіндегі парақшасында жарияланған суреттерден Қазақстан Даму банкі басқармасының төрағасы Болат Жәмішев пен Әділбек Жақсыбековтің ұлы Дәурен Жақсыбекті көруге болады.
Ресми мәліметтерге сүйенсек, бүгін Әділбек Жақсыбеков 63 жасқа толып отыр.
Әділбек Жақсыбеков Астана қаласының әкімі, Индустрия және сауда министрі, Ресейдегі Қазақстан елшісі, қорғаныс министрі және мемлекеттік хатшы қызметтерін атқарды.
Ал 2016 жылдың 21 маусымынан бастап Әділбек Жақсыбеков Қазақстан Президенті Әкімшілігінің басшысы болып қызмет етеді.
Еске сала кетейік, осыған дейін Нұрсұлтан Назарбаев Президенті Әкімшілігінің Басшысы Әділбек Жақсыбековтің өкілеттігін 2022 жылға дейін ұзартқан болатын.
