1. Басты
  2. Біл
  3. Жаңалықтар
  4. Ел жаңалықтары

Жалған нөмірлермен көлік басқарған астаналық 4 миллион теңгеге ереже бұзған19 қыркүйек 2020, 11:41

© Tengrinews.kz/Тұрар Қазанғапов © Tengrinews.kz/Тұрар Қазанғапов

Жүргізуші куәлігі жоқ Нұр-Сұлтан тұрғыны жалған нөмірлермен 4 миллион теңгеге жол қозғалысы ережелерін бұзған, - деп хабарлайды Tengrinews.kz тілшісі астаналық ПД баспасөз қызметіне сілтеме жасап.

Жалған мемлекеттік нөмірлермен автокөлік басқарған Mercedes жүргізушісі ұсталды.

"Ер адам автокөлікті жүргізуші куәлігінсіз айдап, 4 миллион теңгеден астам сомаға жол-көлік ережесін бұзған. Жүргізуші барлық бұзған ережесі туралы сол жерде хабарланды. Ер адамға қатысты ӘҚБтК-нің 612-бабы 4-бөлігі бойынша әкімшілік іс қозғалды, 83 340 теңге 30 АЕК мөлшерінде айыппұл салынды", - деп хабарлады полиция өкілдері.

Сондай-ақ, 27 жастағы жүргізушіге қатысты талаптарға сәйкес келмейтін нөмір белгілері бар автокөлікті басқарғаны үшін ӘҚБтК-нің 590-бабы 4-бөлігі бойынша әкімшілік іс қозғалды. Процессуалдық шешім қабылдану үшін материал Нұр-Сұлтан мамандандырылған әкімшілік сотына жіберілді. Автокөлік коммуналдық тұраққа қойылды.

Қазақстан жаңалықтары. Соңғы жаңалықтар. Telegram желісінде бізге жазыл! 


Алматыда күн суытады