+7 (777) 001 44 99
Қазақша
Русский
English
Жамбыл облысы Шу ауданында 25 жастағы жаңа босанған ана мен сәби қайтыс болды. Осыдан кейін қалалық аурухана қызметкерлеріне қатысты тексеру жүргізілетіні айтылды, - деп хабарлайды Tengrinews.kz тілшісі.
Облыстық Полиция департаментінің мәліметінше, бұл оқиға бойынша ҚР Қылмыстық кодексінің 317-бабы 3-бөлігі – "Абайсызда адам өліміне әкеп соққан әрекеттер" бойынша сотқа дейінгі тергеу жүргізіліп жатыр. Сондай-ақ комиссиялық сот-медициналық сараптама тағайындалған.
"Жамбыл облысы бойынша Денсаулық сақтау министрлігі медициналық және фармацевтикалық бақылау комитеті департаментіне Шу қалалық ауруханасы қызметкерлеріне қызметтен тыс тексеру жүргізу туралы сұрау-хат жолданды", – деп хабарлады департамент өкілдері.
Оқиғаның толық мән-жайын анықтау мақсатында полицейлер қажетті кешенді тергеу шараларын жүргізіп жатыр.
Еске сала кетейік, наурыздың басында Шу қалалық ауруханасында 25 жастағы әйел комаға түсіп, сәбиінен айырылып, кейін өзі де көз жұмған болатын. Марқұмның туыстары оның өліміне дәрігерлерді кінәлап, олардың әрекеттерін тексеруді талап еткен.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
