+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Ұлыстың ұлы күні Наурыз мерекесі қарсаңында Тараз мемлекеттік педагогикалық институтының студенттері арасында ұлттық ойындардан байқау өтті, - деп хабарлайды Тengrinews.kz тілшісі оқу орнының ақпараттық-имидждік қызметінің жетекшісі Жандар Асанға сілтеме жасап.
Ұлыстың ұлы күні Наурыз мерекесі қарсаңында Тараз мемлекеттік педагогикалық институтының студенттері арасында ұлттық ойындардан байқау өтті, - деп хабарлайды Тengrinews.kz тілшісі оқу орнының ақпараттық-имидждік қызметінің жетекшісі Жандар Асанға сілтеме жасап.
Шараға қатысушылар "Өнерлінің өрісі кең", "Ас адамның арқауы", "Білекті бірді жығады, білімді мыңды жығады" және "Шынықсаң шымыр боласың" атты кезеңдер бойынша бақтары мен баптарын сынады.
Командалар ұлттық ойын түрлерінен бәсекеге түсіп өзара мықтыны анықтап қана қоймай, түрлі бағыттағы сұрақтарға мүмкіндігінше жауап берді. Қазақ халқының салт-дәстүрлерінен сыр шертетін қойылымдар қойып, ұлттық тағамдарды жеуден жарысты.
"Бабалар жолымен басталар жаңа күн" байқауының мақсаты - Ұлыстың ұлы күнін атап өту арқылы дәстүрлі рухани құндылықтарымызды кеңінен насихаттау, ата-баба салтын ардақтай отырып, ұлт мәртебесін көтеру.
Тартысты өткен жарыс қорытындысы бойынша жеңімпаз атанған командалар мен белсенді ойыншылар арнайы номинациялар бойынша марапатталып, оларға дипломдар мен бағалы сыйлықтар табысталды.
Шара соңында оқу орнының көркемөнерпаздары әсем әннен шашу шашып, мың бұрала би билеп, Ұлыстың ұлы күнін тойлаған жұртшылыққа мерекелік көңіл-күй сыйлады.
