+7 (777) 001 44 99
Қазақша
Русский
English
03 ақпан 2022 | 14:26
Жаңа энергетика министрі Қазақстандағы АЭС құрылысы туралы айтты
Энергетика министрі Болат Ақшолақов Қазақстандағы атом электр станциясының (АЭС) құрылысы туралы айтты, - деп хабарлайды Tengrinews.kz тілшісі.
ПОДЕЛИТЬСЯ
Энергетика министрі Болат Ақшолақов Қазақстандағы атом электр станциясының (АЭС) құрылысы туралы айтты, - деп хабарлайды Tengrinews.kz тілшісі.
"АЭС салу - өте күрделі мәселе, сондықтан саламыз ба, жоқ па ешқандай шешім жоқ. 2035 жылға дейінгі болжамды теңгерімде әртүрлі мәселелер қаралады. Бүгінде "жасыл" саясат жүргізіліп жатқандықтан, күн тәртібінде шектеулер тұр және т.б. Біз көмір өндіруді кеңейте алмай отырғанымызды білесіздер, өйткені ол экологиялық таза емес", - деді ведомство басшысы ОҚК онлайн брифингінде.
Сонымен қатар, министр генерацияға арналған өтпелі отын ретіндегі газ таза екенін, бірақ оның қоры шектеулі екенін айтты.
"Сондықтан біз әртүрлі нұсқаны қарастырып жатырмыз. Атом электр станциялары – қарастыруға болатын нұсқалардың бірі ғана. Бірақ бұл мәселе өте нәзік, ол бірінші кезекте қоғамды тарта отырып, барынша зерттеуді қажет етеді. Әзірге Қазақстанның қандай да бір учаскесінде станция салу бойынша нақты шешімдер жоқ", - деп қосты Болат Ақшолақов.
Болат Ақшолақов 11 қаңтарда Қазақстанның энергетика министрі болып тағайындалған еді.
Бұған дейін "Самұрық-Қазына" қорының басшысы Алмасадам Сәтқалиев Алматы облысындағы Үлкен ауылы Атом электр станциясын салу үшін ең қолайлы деп мәлімдеген болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
