+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Премьер-министрдің бірінші орынбасары Роман Склярдың төрағалығымен өткен Үйлестіру орталығының отырысында ішкі нарықты мұнай өнімдерімен, оның ішінде дизель отынымен қамтамасыз ету жөніндегі шаралар талқыланды, - деп хабарлайды Tengrinews.kz тілшісі primeminister.kz-ке сілтеме жасап.
Премьер-министрдің бірінші орынбасары Роман Склярдың төрағалығымен өткен Үйлестіру орталығының отырысында ішкі нарықты мұнай өнімдерімен, оның ішінде дизель отынымен қамтамасыз ету жөніндегі шаралар талқыланды, - деп хабарлайды Tengrinews.kz тілшісі primeminister.kz-ке сілтеме жасап.
Энергетика министрі Алмасадам Сәтқалиев қазір республикада 309 мың тонна дизель отынының жиынтық қоры бар екенін мәлімдеді. Сонымен қатар, сәуірде тағы 441 мың тонна отын өндірілмек. Осылайша, сәуірде дизельдің жалпы көлемі шамамен 750 мың тонна, ал болжам бойынша тұтыну көлемі ауыл шаруашылығы тауарын өндірушілер мен ҚТЖ қажеттіліктерін қоса есептегенде, шамамен 510 мың тонна болады.
Министрдің мәліметінше, 7 сәуірдегі жағдай бойынша, 415 жанармай құю станциясында дизель отыны болмаған, бұл - еліміздегі 3 163 нысанның 13 пайызы. Энергетика министрлігі тапшылықты тез арада жою үшін жанармай құю станцияларын қосымша отынмен қамтамасыз ету мақсатында өңірлер әкімдіктерінен өтінімдер жинады.
Сондай-ақ, мемлекет өңдеу кәсіпорындарында өндіріс тұрақтылығын қамтамасыз ету үшін барлық шараны қабылдап жатыр. Атап айтқанда, Шымкент МӨЗ-ін жөндеу жұмыстары мерзімінен бұрын аяқталып, мұнай өнімдерін жөнелту басталып кетті. Бұл ретте ауыл шаруашылығы тауарын өндірушілер мен отын тапшылығы бар өңірлердегі жанармай құю бекеттеріне басымдық беріледі.
"ҚазМұнайГаз" ҰК" АҚ басқарма төрағасы Мағзұм Мырзағалиевтің айтуынша, кейінгі күндері болған тапшылық жанармай құю станциялары иелерінің баға айырмашылығының қысқаруын күтіп, мұнай базаларындағы отын қорын жасырып қалуына байланысты болып отыр. Осылайша, жеке мұнай базаларында елде бар дизель отыны көлемінің 73 пайызы жинақталған.
Қаржы вице-министрі Ержан Біржанов өткен аптада 3 мыңнан аса жанармай құю станциясына талдау жүргізілгенін, бұл ретте отын бола тұра, сауда-саттық көлемі азайып кеткен нысандарға ерекше назар аударылғанын айтты. Яғни сатуды шектеу белгілері болған. Еліміз бойынша барлығы осындай 152 жанармай құю бекеті анықталды. Барлық дерек бойынша тиіс шаралар қабылданып жатыр.
Өңірлердегі ахуал мен қабылданып жатқан шаралар туралы Түркістан облысы, Алматы және Шымкент әкімдерінің орынбасарлары баяндама жасады.
Роман Скляр өңірдегі штабтар белсенді түрде әрекет етіп, тұрақты рейдтер өткізуі керегін атап өтті.
"Алып-сатарлыққа және мұнай базаларында отынды "ұстап тұруға" жол бермеу керек, өйткені бұл елдің энергетикалық қауіпсіздігіне тікелей әсер етеді. МКК, ҚМА және БҚДА-дан жанармай құю станциясындағы жағдайды бақылауды күшейтуді сұраймын. Жанар-жағармай материалдары бола тұрып, оны сатпай отырған нысандар анықталса, оларды заң бойынша жауапқа тарту керек. "ҚазМұнайГаз" және ҚТЖ зауыттардан жоспарланған жанар-жағармай материалдарының көлемін, әсіресе дизель отынын уақытылы және толығымен жөнелтуді және жеткізуді қамтамасыз етуі қажет", - деді Скляр.
Сонымен қатар, отырыста келесі жылу беру маусымына дайындық мәселесі талқыланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
