+7 (777) 001 44 99
Қазақша
Русский
English
Синоптиктер Астана мен Алматыда алдағы үш күн – 20-22 тамыз аралығында ауа райы қандай болатынын айтты, - деп хабарлайды Tengrinews.kz тілшісі.
Астанаға арналған ауа райы болжамы
20 тамызда елордада ауыспалы бұлтты болады, күндіз жаңбыр жауып, найзағай ойнайды. Түнде жел оңтүстік-шығыстан, оңтүстіктен соғады – секундына 2–7 метр, күндіз 9–14, екпіні 15–20 метрге дейін жетеді. Ауа температурасы түнде +10...+12 градус, күндіз +25...+27 градус.
21 тамызда синоптиктер ауыспалы бұлтты, жаңбыр және найзағай болатынын болжайды. Жел оңтүстік-батыстан солтүстік-батысқа ауысады, жылдамдығы 7–12 м/с, екпіні 15–18 м/с. Ауа температурасы түнде +14...+16 градус, күндіз +21...+23 градус.
22 тамызда Астанада ауыспалы бұлтты болып, кей уақыттарда жаңбыр жауып, найзағай ойнайды. Солтүстік-батыстан соққан жел 9–14 м/с, екпіні 15–20 м/с. Ауа температурасы түнде +11...+13 градус, күндіз +20...+22 градус.
Алматыға арналған ауа райы болжамы
20 тамызда мегаполисте ауыспалы бұлтты, жауын-шашынсыз. Жел оңтүстік-шығыстан соғады, 3–8 м/с. Ауа температурасы түнде +16...+18 градус, күндіз +30...+32 градус.
21 тамызда Алматыда ауыспалы бұлтты болады, түнде қысқа мерзімді жаңбыр жауып, найзағай ойнауы мүмкін. Жел оңтүстік-батыстан 3–8 м/с, кей жерлерде екпіні 15 м/с. Ауа температурасы түнде +18...+20 градус, күндіз +30...+32 градус.
22 тамызда синоптиктер ауыспалы бұлтты, жауын-шашынсыз ауа райын күтеді. Жел батыстан 3–8 м/с. Ауа температурасы түнде +18...+20 градус, күндіз +30...+32 градус.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
