Жаңбыр және аптап. Демалыс күндері ауа райы қандай болатыны айтылды

Қазақстанда 46 градусқа дейін ыстық болады. Синоптиктер 24-26 шілдеге арналған ауа райы болжамын ұсынды, - деп хабарлайды Tengrinews.kz тілшісі.

Қазақстанда 46 градусқа дейін ыстық болады. Синоптиктер 24-26 шілдеге арналған ауа райы болжамын ұсынды, - деп хабарлайды Tengrinews.kz тілшісі.

Болжамға сәйкес, ел аумағынан атмосфералық фронталь бөліктердің өтуіне байланысты еліміздің солтүстік өңірлерінде жаңбыр жауады. 24 шілдеде - батыста, 24-25 шілдеде - солтүстік-батыста, 25-26 шілдеде - елдің солтүстігінде найзағай, жел соғып, нөсер жауады. Сондай-ақ, бұршақ жаууы мүмкін. Оңтүстік және оңтүстік-батыста жауын-шашынсыз ыстық ауа райы күтіледі.

"Ауа температурасы күндіз оңтүстікте, оңтүстік-батыста 38-46 градусқа дейін, оңтүстік-шығыста, шығыста және орталықта 38-42 градусқа дейін көтерілуі мүмкін, солтүстікте ауа температурасы 32-40-тан 20-30 градусқа дейін біртіндеп төмендеуі байқалады", - делінген хабарламада.

Айта кетейік, 23 шілдеде Қазақстанның басым бөлігінде тұрақсыз ауа райы сақталады, жаңбыр жауады, батыста нөсер болады. Тек еліміздің солтүстігі мен оңтүстігінде жауын-шашынсыз ауа райы күтіледі. Батыста және оңтүстікте құмды дауылмен, республиканың батысы мен шығысында бұршақ жаууы ықтимал.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Ауа райы Қазақстан соңғы жаңалықтар