+7 (777) 001 44 99
Қазақша
Русский
English
Петропавлда мемлекеттік бағдарлама бойынша салынған 16 қабатты жаңа ғимаратта көптен бері ыстық су, жарық пен жылу жоқ, газ мүлдем берілмейді, - деп хабарлайды Tengrinews.kz тілшісі "Хабар 24" телеарнасына сілтеме жасап.
Зейнеткер Зайтуна Бейгеуова ұзақ жыл балабақшада еңбек еткен. "Шаңырақ" бағдарламасы бойынша жаңа ғимараттан пәтер сатып алған. Ипотеканы үнемі төлеп отырады – ай сайын 70 мың теңге. Бірақ жылу, ыстық су және жарық мәселесі болатынын білмеген.
"Кеше біраз уақыт жарық болды, сондықтан шәй іштік. Ал бүгін таңертең тұрсақ – жарық жоқ. Құрғақ тамақ жедік те кеттік. Бұл үйде газ жоқ, бәрі жарыққа байланысты. Ал жарқық тәулік бойы болмайды", – дейді әйел.
Жаңа ғимарат тұрғындары мемлекеттік органдар табалдырығын тоздырудан шаршағандарын мойындады. Әкімдікте мәселені шешуге тырысамыз дейді.
"Тұрғындар негізінен жылытқыштарды пайдаланғандықтан, оларда электр жарығы жиі өшіп қалады. Қазір "Альфа-Север" мердігерлік компаниясы оқиға орнында жұмыс істеп, бұл апатты жойып жатыр, содан кейін үйге жарық та, жылу да берілмек. Тұрғындар жеке шот ашқаннан кейін коммуналдық қызмет ақысын мердігер төлейді", - деп түсіндірді Петропавл қаласы әкімдігінің тұрғын үй-коммуналдық шаруашылық бөлімінің баспасөз хатшысы Әсем Айтулова.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
