1. Басты
  2. Біл
  3. Ел жаңалықтары

Жексенбіде еліміздің біраз бөлігінде жел күшейеді

©Марат Әбілов ©Марат Әбілов
16 ақпан күні еліміздің солтүстігі, солтүстік-батысы мен оңтүстік-шығысында ауа райы тұрақсыз болып, қар жауады және жел күшейіп, боран соғады деп хабарлайды Tengrinews.kz "Қазгидромет" кәсіпорнына сілтеме жасап.
"Республиканың солтүстік, солтүстік-батыс, оңтүстік-шығыс аймақтарында атмосфералық фронталды бөліктердің өтуіне байланысты тұрақсыз ауа райы күтіледі, кей жерлерде қар жауып, жекелеген аудандарда бұрқасын мен жел күшейеді. Кей жерлерде тұман түсіп, көктайғақ болады", - делінген кәсіпорынның хабарламасында. Метеорологтердің мәліметінше, Қостанай облысының кей жерлерінде жаяу бұрқасын болып, таңертен және күндіз жел 15-20 м/с-ке күшейеді. Түнде және таңертең тұман болады. Ақмола және Солтүстік Қазақстан облыстарында да бұрқасын болып, екпіні секундына 15-20 метрге жететін жел соғады. Ақтөбе облысының жекелеген аудандарында тұман түсіп, көктайғақ болады. Атырау облысында 15-20 м/с жел соғып, күндіз өңірдің кей жерлерінде тұман болады. Алматы, Жамбыл облыстарында да тұман болады деген болжам бар. Күндіз Қызылорда, түнде Маңғыстау облыстарының кей жерлерінде желдің екпіні 15-20 м/с-ке жетеді.