Жемқорлыққа қарсы ведомство бос қызмет орындарына байқау жариялады

09 Желтоқсан 2014, 11:30
0
Жемқорлыққа қарсы ведомство бос қызмет орындарына байқау жариялады - ©РИА Новости
©РИА Новости

Мемлекеттік қызмет істері және сыбайлас жемқорлыққа қарсы іс-қимыл агенттігі мен оның аумақтық бөлімшелері бос және уақытша бос әкімшілік лауазымдар мен құқық қорғау қызметін іске асыратын лауазымдарды иеленуге байқау жариялайды, - деп хабарлайды Tengrinews.kz тілшісі ведомствоның баспасөз қызметіне сілтеме жасап. 

Байқауда үміткерлердің заңнамаларды қаншалықты меңгергенін тексеру, медициналық тексеріс, әңгімелесу сияқты жалпы белгіленген рәсімдерден бөлек, олардың жеке құзыреттерін сынау және полиграфологиялық зерттеуден өткізу кезеңдері де болады. Құқық қорғау қызметін іске асыратын лауазымдар үшін құжаттар бес жұмыс күні ішінде, ал әкімшілік лауазымдарға он жұмыс күні ішінде тапсырылуы керек. 

Айта кетейік, құжаттарды әкеліп тапсыруға да, электронды поштамен жолдауға да болады. Қажетті анықтамаларды 8(7172) 90 90 31, 90 91 93, 90 90 29 телефон нөмірлеріне хабарласып алуға болады, аумақтық бөлімшелердің нөмірлері хабарландыруда көрсетіледі. Үміткерлермен бірге полиграфологиялық зерттеуден мемлекеттік қызмет істері және сыбайлас жемқорлыққа қарсы іс-қимыл органдарының бастапқы қызметін қамтамасыз ету үшін сынаққа конкурстан тыс жіберілген қызметкерлер де өтеді.

Еске сала кетейік, осы жылдың тамыз айында Үкімет қайта жасақталып, қаржы полициясы таратылған болатын. "Қаржы полициясының сыбайлас жемқорлық қылмыстары мен заңбұзушылықтарын ескерту, анықтау, жолын кесу, әшкерелеу функциялары мен өкілеттіктері жаңадан құрылған Мемлекеттік қызмет істері және сыбайлас жемқорлыққа қарсы іс-қимыл агенттігіне беріле отырып, өзі таратылады. Ал оның экономикалық және қаржылық заңбұзушылықтар мәселелері Қаржы министрлігіне беріледі", - деген болатын Нұрсұлтан Назарбаев. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай