Жемқорлықтан келген шығынның 70%-ы өндіріледі

26 Маусым 2014, 12:27
0
Жемқорлықтан келген шығынның 70%-ы өндіріледі - Андрей Лукин. ©Тengrinews.kz
Андрей Лукин. ©Тengrinews.kz

Қазақстанда мемлекеттік бағдарламаларды орындау кезінде сыбайлас жемқорлықтан келген шығын 70%-ға өндіріледі, - деп хабарлайды Tengrinews.kz тілшісі. Бұл туралы ҚР Экономикалық қылмысқа және сыбайлас жемқорлыққа қарсы күрес агенттігі төрағасының орынбасары Андрей Лукин "Сыбайлас жемқорлыққа қарсы әрекет ету механизмдері" атты халықаралық конференцияның сыртында айтты.

Оның айтуынша, мемлекеттік бағдарламаларды іске асыру барысында анықталатын шығындар көлемі миллиардтаған теңгемен есептеледі. "Активтерге, жылжымалы және жылжымайтын мүлікке салынған тыйымды ескерген кезде шығынның өндірілу деңгейі - 70%", - дейді Лукин. Агенттік төрағасы орынбасарының сөзіне қарағанда, жемқорлықтан келген шығынды өндіру сот үкіміне байланысты болады.

Бұған дейін қаржы полициясы 2013 жылы жемқорлық әрекеттерінен келген шығын мөлшерін жария еткен еді. Ведомствоның мәліметінше, мемлекеттік бағдармаларды орындау нәтижесіндегі жемқорлық 6 млрд теңгеден астам қаржының жымқырылуына себеп болған. "Ақ бұлақ", "Жол картасы" "Еңбекпен қамту картасы", тұрғын үй құрылысы, агробизнес және басқа да бағдарламаларды орындау барысында 246 қылмыс жасалған. Қаржы полициясының мәліметінше, жемқорлық себебімен түрлі деңгейдегі 200-ден астам басшы сотталды.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай