+7 (777) 001 44 99
Қазақша
Русский
English
Қазақша
Русский
English
Жетісу облысында 19 адам қар құрсауынан құтқарылды, - деп хабарлайды Tengrinews.kz тілшісі облыстың ТЖД баспасөз қызметіне сілтеме жасап.
Ведомство мәліметінше, 22 қарашада сағат 20:10-да Төтенше жағдайлар департаментіне республикалық маңызы бар Сарыөзек-Көктал тасжолының 40-шақырымында қар құрсауында адамдар мінген көліктер қалып қойғаны туралы қоңырау түскен. Сарыөзек кентінен Төтенше жағдайлар бөлімінің кезекші бригадасы қар-батпақ көлігімен дереу аттанған. Оқиға орнына жеткенде қалың қар жауып, қатты боран соққаны анықталды.
"Жедел-құтқару жұмыстарының нәтижесінде ТЖД қызметкерлері Алтын-Емел асуында қар құрсауынан 19 адамды шығарды. Құрбандар мен зардап шеккендер жоқ", - делінген хабарламада.
Ауа райының нашарлауына байланысты облыстың Төтенше жағдайлар департаменті азаматтарды ұзақ сапарға шықпауды, қауіпсіздік ережелерін қатаң сақтауды және 112 қызметінің SMS хабарламаларын назардан тыс қалдырмауды сұрайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
