+7 (777) 001 44 99
Қазақша
Русский
English
Жетісу облысында жол талғамайтын көлік пен жүк көлігінің соқтығысуы салдарынан төрт адам зардап шекті, - деп хабарлайды Tengrinews.kz тілшісі Polisia.kz-ке сілтеме жасап.
Жол апаты 24 ақпанда Талдықорғаннан шыға берісте Алматы-Өскемен тасжолының 273 шақырымында болған. 69 жастағы УАЗ Patriot жүргізушісі "Жол беріңіз" белгісін елемей, JAC жүк көлігімен соқтығысқан.
Жол талғамайтын көлікте бес адам болған, оның төртеуі түрлі жарақатпен ауруханаға жеткізілген.
"Жол апатын тергеу ҚР Қылмыстық кодексінің 345-бабы бойынша жүргізіліп жатыр. Көлік арнайы тұраққа қойылды. Бұл дерек бойынша қажет сараптамалар тағайындалды", - деді ІІД басшысы Мирас Асқаров.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
