Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Жириновскийдің Орталық Азия туралы шулатқан сөзіне партияластары түсініктеме берді

26 Ақпан 2014, 15:31
0
Владимир Жириновский, ЛДПР басшысы. Фото ©РИА Новости
Владимир Жириновский, ЛДПР басшысы. Фото ©РИА Новости
Владимир Жириновскийдің Орталық Азия республикалары секілді Қазақстан да Ресей Федерациясының Ортаазиялық федеральдық округіне енуіне болады деген сөзін өзгелер дұрыс ұқпаған деп санайды Ресейдің Либеральдық-демократиялық партиясының баспасөз жетекшісі Юрий Рыжов.

"Бұл - сөйлем ішінен үзіп алынған сөз. Әңгіме Украинадағы соңғы оқиғаларға байланысты Ресейдің және бұрынғы Кеңес одағы мемлекеттерінің геосаясатына қауіп төніп тұрғандығы жөнінде болған. Сондықтан егер бұрынғы Кеңес одағы республикалары, айтайын дегенім Орталық Азия сыртқы күштердің қаупін сезіп, өз-өзін қорғағысы келсе, онда олай етуге әбден болады. Сонымен қатар олардың Ресей Федерациясы құрамына ену туралы өтініші болатындығын жоққа шығармаған, яғни бұрын Совет одағы деп аталған кеңістікті қайта жаңғыртуды көксеушілердің. Демек, оның аннекцияға қатысты ойы (аннекция - мемлекеттің бүтіндей немесе бір бөлігінің біржақты тәртіп бойынша басқа мемлекетке ресми түрде қосылуы) болмаған және болмайды да. Жириновский мемлекет егемендігін қатты сыйлайды, соның ішінде өзі туған Қазақстанның да" деді Tengrinews.kz сайтына берген сұхбатында Жириновскийдің баспасөз хатшысы.

Ол қазақстандықтар арасында мұндай көңіл-күйді қалыптастыруды жалғастырмауды сұрайды, өйткені оның нақтыға еш сәйкестігі жоқ. Баспасөз хатшысының айтуынша, Жириновский өз сөзінен үзінділер алынып, оның мағынасы майысып, экстремистік сипатта беріле бастағанын көргенде жынданып кете жаздайды.

"Бұл, әрине оны ренжітеді. Қазақстандық бірқатар баспасөзге сұхбат бергенде де ол егемендікті, қазақ халқын сыйлайтындығын баса айтып отырады. Сәйкесінше, қазақстандықтардың ұлттық сезімін аяқ-асты ететін, намысына тиетін ешқандай мәлімдеме болған емес және болмайды да" деді ол.

Ыстық көлде туризм аймағын өрістету туралы Жириновскийдің ұсынысы да Қырғызстан азаматтары тарапынан тура осындай наразылыққа бой ұрды дейді баспасөз хатшысы.

"Қырғыз Республикасы мұны ұлттық намысқа тию деп қабылдады. Хаттар, Жириновскийді нон-грат тұлға деп жариялау туралы талап та келіп түсіп жатты. Қортындысында Қырғызстанның жоғары басшысы, "негізінен Жириновскийдің айтпағы басқа еді, яғни Ыстық көлді туристік аймақ ретінде дамыту ұсынысынан басқа дәнеме емес. Демек, сөзді бұрып жіберу деген оп-оңай" деп мән-жайдың анығын ашып берген.

Еске сала кетелік, ресейлік депутат, ЛДПР көшбасшысы Владимир Жириновскийдің сөзін Қазақстандықтар көңіліне ауыр алды. Ресейдің 23 ақпандағы отанды қорғау күніне арналған митингіде сөз алған Мемлекеттік Дума депутаты Владимир Жириновский "Россия 24" телеарнасы эфирінен: "Орталық Азияда ешқандай республика жоқ. Ортаазиялық федеральдық округ - басты қала Верный! Бүгін оның бөтен аты бар: Алма-Ата - менің туған қалам. Мұны Өзбекстан, Қырғызстан, Тәжікстан, Түркімения, Қазақстан ойлап тапты. Ортаазиялық федеральдық округ!" деп мәлімдеді.

Қазақстанның сыртқы саяси ведомствосы Жириновскийдің осы айтқанына байланысты Ресейдің СІМ-не нота жолдады. Ал саясаттанушылар Жириновскийдің Қазақстанға кіруіне тыйым салуды ұсынды. Дегенмен Ресейдің СІМ "екі мемлекеттің мықты құқықтық негізі, абайсызда айтылған саясаткерлердің қауіпті сөзінен сенімді қорғаныс бола алады деп сенеміз" деп өз көзқарастарын білдірген. Осыған қарамастан Парламент Мәжілісі депутаттары ҚР СІМ басшысы атына сауалмен шыққан. Олар Ресей Владимир Жириновскийдің сөзін ресми түрде жоққа шығаруы тиіс деп санайды.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай