+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Павлодар тұрғыны жүргізуші куәлігі болмаса да, рульге мас күйінде отырған. Полиция қызметкерлері оны тоқтатқан кезде жолаушылар отыратын орынға ауысып, кілтін лақтырып жіберген. Ер адам 25 тәулікке қамауға алынды, - деп хабарлайды Tengrinews.kz тілшісі.
Павлодар тұрғыны жүргізуші куәлігі болмаса да, рульге мас күйінде отырған. Полиция қызметкерлері оны тоқтатқан кезде жолаушылар отыратын орынға ауысып, кілтін лақтырып жіберген. Ер адам 25 тәулікке қамауға алынды, - деп хабарлайды Tengrinews.kz тілшісі.
Павлодар облысы Полиция департаментінің баспасөз қызметі мәліметінше, кешкі тексеріс кезінде қызметкерлер Нұрмағамбетов көшесінде жылдамдықпен келе жатқан және оқыс бұрылған ВАЗ-21110-ны байқаған. Кейін көлік жүргізушісі жақын маңдағы аулалардың біріне кіріп тоқтап, өзінің жолаушы екенін айтқан.
Видеода ер адамның жолаушылар отыратын орынға қалай тез ауысқаны, ал көліктен шыққаннан кейін кілтін жерге лақтырып тастағаны көрінеді. Бірақ полиция қызметкерлері үшін павлодарлық басқаша сылтау ойлап тауып, көлікті досы жүргізгенін, ол тез қашып кеткенін айтқан.
"Ұсталған адам мас болған, мұны алкоголь иісі мен дұрыс сөйлей алмағанынан байқауға болады. Бірақ мас екенін анықтау үшін медициналық тексерістен бас тартты. Сонымен қатар, оның көлікті басқаруға құқығы жоқ болатын", - деді ведомствоның баспасөз қызметі өкілі.
Павлодар әкімшілік соты ер адамды ҚР ӘҚБК 613-бабы 9-бөлігі "Полиция қызметкерінің талаптарын орындамау, алкоголь, есірткі немесе уытқұмарлық мас күйін куәландырудан өтуден жалтару" бойынша әкімшілік құқық бұзушылық жасағаны үшін кінәлі деп танып, 25 тәулікке қамауға алды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
