+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Талдықорғандық 30 жастағы Айша Нұрмекенова ерекше мамандық таңдаған. Әйел екі жылдан бері жүк көлігінің жүргізушісі болып жұмыс істейді, - деп хабарлайды Tengrinews.kz тілшісі.
Талдықорғандық 30 жастағы Айша Нұрмекенова ерекше мамандық таңдаған. Әйел екі жылдан бері жүк көлігінің жүргізушісі болып жұмыс істейді, - деп хабарлайды Tengrinews.kz тілшісі.
Мамандық таңдауда Айша көп ойланбаған. Оның әкесі ұзақ жылдар бойы ауыр жүк көлігінің жүргізушісі болып жұмыс істеген, қазір ол қызымен бүкіл Қазақстанға жүк жеткізеді.
"Әр адам өзіне ұнайтын іспен айналысуы керек. Бұл жұмыс маған ұнайды. Қазір тек Қазақстанды аралап жүрмін. Отбасыма уақытым жеткілікті. Үйге аптасына бір рет келемін, кейде екі апта бойы болмаймын", - дейді жүк көлігінің жүргізушісі.
Айшаның тапқан табысына көпшілік қызғанышпен қарайды. Оның айылық табысы бір миллион теңгеге жуық. 30 жастағы келіншек қыз тәрбиелеп отыр, жалақысы бүкіл отбасына жетеді.
"Өзім тұрмыста емеспін, 12 жастағы қызым бар. Біз Талдықорғанда ата-анаммен тұрамыз. Анам үй шаруасындағы әйел, қызыммен отырады. Мен әкеммен бірге жүремін", - дейді Айша.
Бүгінде Нұрмекенов отбасының гаражында жүк тасымалдауға арналған бір көлік бар. Болашақта Айша өзінің жеке үйін сатып алып, Қазақстанды ғана емес, бүкіл әлемді аралауды көздеп отыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
