Премьер-министрдің орынбасары - сауда және интеграция министрі Серік Жұманғарин барлық әлеуметтік-кәсіпкерлік корпорацияларды тарату туралы ұсынысқа қатысты пікір білдірді, - деп хабарлайды Tengrinews.kz тілшісі.
"Бүгінде ӘКК-ге үлкен жұмыс жүктелді: олар арқылы шағын несие беру жүзеге асырылады. ӘКК енді "Ауыл аманаты" бағдарламасына белсенді түрде атсалысады, бір сөзбен айтқанда, бұл жамбылдық тәжірибені кеңейту.
Мен қазір, егер ӘКК-ны алып тастасақ, оларды кім алмастыратынын елестете алмаймын. Жақын арада ӘКК-ні алып тастау туралы сөз болып отырған жоқ. Қайта форматтау - бұл басқа мәселе, олардан аймақтық даму институттарын құру - басқа мәселе. Мұны қарастыру керек. Бұл өте күрделі мәселе", - деді Жұманғарин Үкімет кулуарында журналистер сұрағына жауап беріп.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
