+7 (777) 001 44 99
Қазақша
Русский
English
Қазақша
Русский
English
Мәжілістің жалпы отырысында премьер-министрдің орынбасары - сауда және интеграция министрі Серік Жұманғарин министрліктің кінәсінен кәсіпкерлер қолдаусыз қалғанын ашық мойындады, - деп хабарлайды Tengrinews.kz тілшісі.
Депутат Николай Арсютиннің айтуынша, министрлік былтыр "KazakhExport" сақтандыруға жататын несиелер мен лизингтік операциялар бойынша пайыздық мөлшерлемелерді субсидиялауға 600 миллион теңге жұмсауды жоспарлаған.
Бірақ бұл ақшаны бірде-бір экспорттаушы алмаған. Сондықтан қаражат пайдаланылмай қалған. Бұл ретте қалыптасқан жағдайдың себебі ретінде субсидиялау ережелерінің жоқтығы аталды.
"Сіздердің министрліктеріңіз осы ережелерді әзірлеуі керек емес пе? Бұл неге дер кезінде жасалмады? Неге институт 2022 жылдан бастап жұмыс істемеді? Министрліктің кінәсінен бизнес тоқтап қалды. Мемлекетте қолдау көрсетпейді. Осы жағдай нарықтағы шығынға әкеліп соқтырды", - деді Мәжіліс депутаты Жұманғаринге.
Министрдің сөзінше, субсидиялаудың өзекті ережелері әлі де бар. Былтыр заң қабылданған. Алайда бұл мәселені түпкілікті шешу үшін қазір Парламентте тұрған экспортты сақтандыру агенттігі туралы заң жобасын қабылдау қажет.
"Бірінші оқылым маусым айының соңына жоспарланған деп естідім. Бұл заң жобасы қазірдің өзінде толық назарда. Оның басты себебі - дұрыс жоспарланбаған", - деді шенеунік.
"Түптеп келгенде, мемлекет қолдауынсыз қалған кәсіпке кім кінәлі?" - деді Мәжіліс төрағасы Ерлан Қошанов.
"Мен министрдің кінәсін ақтамаймын. Жауап мынадай болуы мүмкін. Бұл министрліктің кінәсі", - деп мойындады Жұманғарин.
Серік Жұманғарин премьер-министрдің орынбасары - сауда және интеграция министрі қызметіне 2022 жылдың қыркүйегінде ғана келген болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
