+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Әлеуметтік желіде полицей болуды армандайтын Қарағанды облысы Шет ауданы Ақсу-Аюлы ауылының жас тұрғыны түсірілген видео тарады. Видеода қолына таяқ ұстаған бала жол жиегінде тұрып, жүргізушілерге тасжолдың жабылатынын ескертіп жатыр, - деп хабарлайды Tengrinews.kz тілшісі.
Әлеуметтік желіде полицей болуды армандайтын Қарағанды облысы Шет ауданы Ақсу-Аюлы ауылының жас тұрғыны түсірілген видео тарады. Видеода қолына таяқ ұстаған бала жол жиегінде тұрып, жүргізушілерге тасжолдың жабылатынын ескертіп жатыр, - деп хабарлайды Tengrinews.kz тілшісі.
Видеоны жас тәртіп сақшысы тоқтатқан жүргізушілердің бірі түсіріп алған. Видео авторы оны әлеуметтік желіде таратқан. Желі қолданушылары болашақ полицейдің әрекетін жылы қабылдап, қызу талқылап жатыр.
Видеода бала таяқшаны шебер ұстап, өзін Бағдәулет деп таныстырып, өзінің фотосуреті бар қызыл құжатты ұсынады. Ол жүргізушілерге жолдың жабық екенін ескертеді. Жүргізушілер оның салмақтылығына күліп, жас тәртіп сақшысына тамсанады.
Суретті Бағдәулет Ағзамовтың туыстары ұсынды
Tengrinews.kz тілшісі видео кейіпкерін тапты. Ол Ақсу-Аюлы ауылының 5 жасар тұрғыны Бағдәулет Ағзамов болып шықты. Бала жол полициясында жұмыс істегісі келетінін мойындады.
"Өскенде полицей болғым келеді. Маған ата-анам форма алып берді. Мен мектепке дейінгі дайындық сыныбында 4-5-ке оқимын", - дейді Бағдәулет.
Суретті Бағдәулет Ағзамовтың туыстары ұсынды
Баланың әкесі Бағдәулеттің полицияда қызмет етуді 3 жасынан армандағанын айтты.
"Біздің отбасымызда полиция қызметкері жоқ, туған-туыстарымыз да мемлекеттік қызметте емес. Бірақ Бағдәулет 3 жасынан бастап полиция болғысы келетінін айтып жүр. Тіпті қазақ полициясы туралы ән де үйреніп алған, сол әнді жиі айтады. Біз баламызды қолдаймыз, оған форма, таяқша, сертификат сатып алдық. Бақытымызға орай, мұның бәрі балалар дүкендерінде сатылады. Болашақта ол полицей болғысы келсе, біз қарсы емеспіз", - деді баланың әкесі Думан Ағзамов.
Суретті Бағдәулет Ағзамовтың туыстары ұсынды
Желіде видео тарағаннан кейін Шет аудандық полиция бөлімінің бастығы Мадияр Меңісов Ағзамовтар отбасына келіп, Бағдәулетті қызметтік көлікке мінгізіп, патрульдердің жұмысын көрсетіп, түрлі естелік сыйлықтар берген.
"Алдағы уақытта тек сәттілік тілеймін! Әрине, полиция қызметкері болсам деген арманыңыз орындалсын", - деді полковник Меңісов Бағдәулетке.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
