+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
ҚАЖК басшысы Теңізжан Жәнібековке сөгіс жарияланды, - деп хабарлайды Tengrinews.kz тілшісі Антикорға сілтеме жасап.
ҚАЖК басшысы Теңізжан Жәнібековке сөгіс жарияланды, - деп хабарлайды Tengrinews.kz тілшісі Антикорға сілтеме жасап.
Петропавлда СҚО бойынша қылмыстық-атқару жүйесі департаментінің бастығы Әділет Мұстафиновқа бір миллион теңге пара алғаны туралы іс бойынша үкім шығарылды. Ол мемлекеттік қызметте қызмет атқару құқығынан өмір бойына айырып, 30 миллион теңге көлемінде айыппұл салынды.
Сыбайлас жемқорлыққа қарсы қызметтің мәліметінше, тиісті ведомстволық бақылау мен профилактикалық жұмыстың жоқтығы үшін ұсынылған ұсыныстың нәтижелері бойынша ІІМ бұйрығымен Қылмыстық-атқару жүйесі комитетінің басшылығы тәртіптік жауапкершілікке тартылды.
"Атап айтқанда, комитет төрағасы әділет полковнигі Т. Жәнібековке сөгіс, оның орынбасары әділет генерал-майоры М.Ербаевқа, өз қауіпсіздігі, Кадрлық жұмыс және тылдық қамтамасыз ету басқармаларының бастықтарына қатаң сөгіс жарияланды. Сол бұйрықпен Мұстафинов теріс себептермен ішкі істер органдарынан босатылды", - делінген Антикордың ресми хабарламасында.
Айта кетейік, бұған дейін Антикорда Мұстафинов СҚО Қылмыстық-атқару жүйесі мекемелеріне ұн жеткізу бойынша қызметтер көрсетуге мемлекеттік сатып алу шартын жасасуға жәрдемдескені үшін кәсіпкерлік субъектісінен бір миллион теңге көлемінде пара алды деп күдіктенгені хабарланған болатын. Ол үй қамауында болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
