+7 (777) 001 44 99
Қазақша
Русский
English
Ішкі істер министрлігі қару-жарақ пен оқ-дәрілерді заңсыз айналымнан тәркілеп жатыр, - деп хабарлайды Tengrinews.kz тілшісі.
Биыл 1 қыркүйектен бастап елімізде "Учаске" жедел алдын-алу іс-шарасы өткізіліп жатыр. Осы арқылы заңсыз айналымнан 50-ге жуық қару, 500-ден аса оқ-дәрі және 6 жарылғыш зат тәркіленген.
Бұдан бөлек: қару жасырылған 12 қойма анықталған; Қаңтар оқиғасы кезінде ұрланған 6 қару және полицияның арнайы жабдықтары тәркіленген; оның біреуі - Калашников автоматы, бір тапанша, екі ойық мылтық және екі тегіс ұңғылы қару, сонымен қатар, қызметтік бронжилеттер мен каскалар бар; азаматтар 15 қаруды өз еркімен тапсырған.
"21 мыңнан аса азаматтық қару тексеріліп, 400-ден аса адам әкімшілік жауапкершілікке тартылды. 5 қыркүйекте Алматы облысында жергілікті тұрғындар ұсталды, олардан Қаңтар оқиғасы кезінде Алматы қаласынан ұрланған арнайы мылтық тәркіленді", - деді ІІМ криминалдық полиция департаменті басқарма бастығының орынбасары Жандос Батырбеков.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
