+7 (777) 001 44 99
Қазақша
Русский
English
Қазгидромет сейсенбі, 21 қаңтарда Қазақстан тұрғындарын қандай ауа райы күтетінін айтты, - деп хабарлайды Tengrinews.kz тілшісі.
Қазгидромет мәліметінше, Астанада қар жауып, боран соғады, көктайғақ болады. Желдің жылдамдығы 9-20 м/с аралығында. Ауа температурасы -2...-4°C.
Алматыда жауын-шашынсыз, таңертең тұман болады. Желдің жылдамдығы 2-7 м/с. Түнде -2...-4°C, күндіз +3...+5°C.
Шымкентте таңертең және күндіз жауын-шашын (қар, жаңбыр) күтіледі. Желдің екпіні 25 м/с-қа дейін жетеді. Түнде 0...-2°C, күндіз +4...+6°C.
Алматы облысында таулы аудандарда тұман, кей жерлерде қар жауып, көктайғақ болады. Желдің жылдамдығы 9-20 м/с. Конаевта жауын-шашынсыз, түнде -3...-5°C, күндіз +3...+5°C.
Ақтөбе облысында қар жауып, боран соғады, көктайғақ болады. Желдің екпіні 23 м/с-қа дейін жетеді. Ауа температурасы -1...-6°C.
Жамбыл облысында жаңбыр, қар, тұман және көктайғақ күтіледі. Жел 28 м/с-қа дейін күшеюі мүмкін. Таразда күндіз +8...+10°C, түнде 0...-2°C.
Шығыс Қазақстан және Абай облыстарында қар жауып, боран соғады, кей жерлерде көктайғақ болады. Түнде -3...-8°C, күндіз 0...+3°C.
Қызылорда облысында жаңбыр, қар, тұман және көктайғақ күтіледі. Желдің екпіні 20 м/с-қа дейін жетеді. Күндіз +1...+3°C, түнде -1...-3°C.
Елдің көп аймағында ауа райы құбылмалы болып, қар, жаңбыр және көктайғақ күтіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
