+7 (777) 001 44 99
Қазақша
Русский
English
Қазақстанның үш облысында жол жүру ережесін бұзғандарды тіркейтін арнайы камералармен жабдықталған полиция көліктері жүр. Бұл туралы Ішкі істер министрлігі мәлімдеді, - деп хабарлайды Tengrinews.kz тілшісі.
Ведомство мәліметінше, бүгінде елімізде 22 патрульдік көлік арнайы камера жүйесімен жабдықталған. Оның он төрті - Қарағанды облысында, алтауы - Қостанайда, екеуі - Ақмолада. Олар жол жүру ережесін бұзғандарды анықтап, деректерді бірден республикалық орталыққа жібереді.
"Мәліметтер Бас прокуратураның жанындағы Әкімшілік құқық бұзушылықтардың бірыңғай тізіліміне жіберіледі. Мәліметтерді орталықтандырылған жүйеге жіберудің бүкіл процесі толығымен автоматтандырылған. Бұл адам факторының іс жүргізудің объективтілігіне, нақтылығына және толықтығына әсерін болдырмайды", - деп хабарлады ІІМ.
Жыл басынан бері бұл камералар 11 мыңнан аса жылдамдықты бұзу дерегін анықтаған.
"Патрульдік көліктерде орнатылған камералар толығымен автоматтандырылған. Қызметкерлердің түзетулер енгізуге, жазылған фото және бейне мәліметтерді, танылған нөмірлік белгілерді, анықталған жылдамдықты бұзу деректерін бұрмалау немесе жою мүмкіндігі жоқ", - деп толықтырды министрлік.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
