+7 (777) 001 44 99
Қазақша
Русский
English
Қазақша
Русский
English
ІІМ Қылмыстық-атқару жүйесі комитеті (ҚАЖК) Қазақстандағы түрмелерде қанша адам жазасын өтеп жатқанын айтты, - деп хабарлайды Tengrinews.kz тілшісі.
ҚАЖК мәліметі бойынша, Қазақстанда 63 түзеу мекемесі мен 17 тергеу изоляторы бар.
"Қазіргі уақытта онда 29 мыңға жуық ер, 2 мың әйел және 52 кәмелетке толмағандар жазасын өтеп жатыр", - деп хабарлады ведомство Tengrinews сауалына берген жауабында.
Көп жағдайда қылмыстық-атқару жүйесі мекемелерінде кісі өлтіру, денсаулыққа қасақана ауыр зиян келтіру, ұрлық, есірткі заттарының заңсыз айналымы, сондай-ақ алаяқтық сияқты қылмыстар үшін жазасын өтеп жатқандар отыр.
Бас бостандығынан айырумен байланысты емес жазаларды 28 мыңға жуық ер адам, 3,5 мың әйел және 143 кәмелетке толмағандар өтеп жатыр.
Алматы облысындағы №10 әйелдер мекемесінде әйелдер мен олардың балаларының бірге тұруына арналған балалар үйі ұйымдастырылды. Онда 44 бала бар.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
