26 мамыр 2018 | 18:00

Қар, дауыл және минус 3 градус суық болады - синоптиктер

Синоптиктер қолайсыз ауа райына байланысты ескерту жариялады, - деп хабарлайды Tengrinews.kz тілшісі.

"Қазгидромет" орталығының мәліметтері бойынша, 27 мамырда Ақмола облысының басым бөлігінде жауын-шашын (қар, жаңбыр түрінде), кей жерлерінде қатты жауын жауады. Түнде және таңертең тұман күтіледі. Кей жерлерінде найзағай, дауыл, бұршақ болуы мүмкін.

"Солтүстік, солтүстік-шығыстан жел соғады, күші 15-20, кей жерлерінде секундына 23-28 метр. Ауа температурасы түнде 0-5 градус жылы, кей жерлерде 3 градус аяз, күндіз 6-11, кей жерлерде 14 градус жылыға дейін төмендеуі күтіледі. Астанада 27 мамырда таңертең және күндіз жауын-шашын (қар, жаңбыр түрінде) жауады. Кей уақытта найзағай, дауыл күтіледі, бұршақ болуы мүмкін. Солтүстік, солтүстік-шығыстан жел соғады, күші 15-20, күндіз екпіні секундына 25 метр болады. Ауа температурасы түнде 3-5 градус жылы, күндіз 6-8 градус жылыға дейін төмендеуі күтіледі", - деп ескертті метеорологтар.

Сонымен қатар, 27 мамырда Қызылорда облысының кей жерлерінде солтүстік, солтүстік-батыстан жел соғады, күші 20-25, екпіні 30 м/с, найзағай, дауыл күтіледі, бұршақ болуы мүмкін.

Табиғи құбылыстар соңғы жаңалықтар Ауа райы

TENGRI travel