+7 (777) 001 44 99
Қазақша
Русский
English
Қарағанды қаласының әкімі тағайындалды, деп хабарлайды Tengrinews.kz тілшісі Қарағанды облысы әкімдігінің баспасөз қызметіне сілтеме жасап.
"Бүгін өңір басшысы Нұрмұхамбет Әбдібеков Қарағанды қаласының жаңа әкімін таныстырды. Бұдан былай қаланы Нұрлан Әубәкіров басқаратын болды", - деп хабарлады әкімдіктің баспасөз қызметі.
Нұрлан Әубәкіров 1975 жылы туылған. Қарағандының Қазыбек би ауданы әкімі аппаратының басшысы қызметін атқарған. 2006 жылдан 2007 жылға дейін Қарағанды қаласы ТКШ, жолаушылар көлігі және автомобиль жолдары бөлімін басқарды. 2007-2009 жылдары облыс әкімі аппараты басшысының орынбасары, 2009-2010 жылдары Қарағанды қаласы Қазыбек би ауданының әкімі, ал 2010-2011 жылдары Қарағанды қаласы әкімінің орынбасары қызметтерін атқарған. 2012 жылдан қазірге дейін Балқаш қаласының әкімі қызметінде болған.
Еске сала кетейік, 20 маусым күні Қарағанды облысының әкімі болып Нұрмұхамбет Әбдібеков тағайындалған болатын. Ал 24 маусым күні Қарағанды облысының әкімі болған Мейрам Смағұлов өз еркімен жұмыстан босатылған.
