+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қарағанды мен Павлодар облыстарында қар мен боранға байланысты жолдағы қозғалыстарға енгізілген шектеу сақталады, - деп хабарлайды Tengrinews.kz тілшісі "Қазақавтожол" РМК баспасөз қызметіне сілтеме жасап.
Қарағанды мен Павлодар облыстарында қар мен боранға байланысты жолдағы қозғалыстарға енгізілген шектеу сақталады, - деп хабарлайды Tengrinews.kz тілшісі "Қазақавтожол" РМК баспасөз қызметіне сілтеме жасап.
Қарағанды облысында осымен үшінші күн Ботақара - Керней - Үміткер - Баянауыл - Қалқаман автожолында автокөліктің барлық түрінің қозғалысына шектеу қойылды. Бұл автожолдағы шектеу қар, боран, көріну мүмкіндігінің нашарлауына байланысты 10 наурызда сағат 21.00-де енгізілді. Ботақарадан Павлодар облысы шекарасына дейінгі 0-93-шақырымдардағы учаскелері жабылды. 12 наурыз сағат 20.00-ден бастап Екатеринбург - Алматы тас жолының Қарағандыдан Ақсу-Аюлы ауылына дейінгі 1492-1612-шақырымдардағы учаскелерінде қатты жел мен көктайғаққа байланысты жүк және қоғамдық көліктердің жүруіне тыйым салынды.
Павлодар облысында 12 наурыз күні сағат 11.30-да Ботақара - Керней - Үміткер - Баянауыл - Қалқаман автожолының Қарағанды облысының шекарасынан Баянауылға дейінгі 93-187-шақырымдардағы учаскелерде көліктің барлық түрінің қозғалысына шектеу қойылды. Бұған Қарағанды облысында ауа райының бұзылуы себеп болды. Сонымен қатар, бұған дейін Ақмола облысында ауа райының қолайсыздығына байланысты Астана - Ерейментау - Шідерті тас жолдары жабылған еді. Сондай-ақ, Астанадан Павлодар облысының шекарасына дейінгі жолдың учаскелері де жабылды.
