+7 (777) 001 44 99
Қазақша
Русский
English
Куәгерлер Нұр-Сұлтан - Қарағанды тасжолында қарама-қарсы жолақта үлкен жылдамдықпен қозғалған Lexus жүргізушісін видеоға түсіріп алған. Жол талғамайтын көлік жүргізушісіне қатысты әкімшілік хаттама толтырылды, - деп хабарлайды Tengrinews.kz тілшісі.
Instagram-да жарияланған видео кадрларында Lexus жүргізушісі қарама-қарсы жолаққа шығып, өз жолымен келе жатқан көліктерге соғыла жаздайды. Ролик жарияланғаннан кейін Қарағанды облысы полиция департаментінің қызметкерлері жүргізушінің жеке басын анықтап, оған қатысты әкімшілік құқық бұзушылық туралы хаттама толтырды.
Посмотреть эту публикацию в Instagram
"Облыстық ПД баспасөз қызметінің қызметкерлері әлеуметтік желілерге мониторинг жүргізу барысында Lexus автокөлігінің белгісіз жүргізушісі Нұр-Сұлтан - Қарағанды автожолында қарама-қарсы қозғалыс жолағымен келе жатқаны түскен видеоны анықтады. Аталған дерек бойынша биыл 24 тамызда облыстың ПД патрульдік полиция батальонының қызметкерлері 31 жастағы жүргізушіні анықтады, оған қатысты ӘҚБтК-нің 596-бабы 3-бөлігі "Көлiк құралын жолдың жүру бөлiгiнде орналастыру, қарсы жүрiп өту немесе басып озу қағидаларын бұзу" бойынша әкімшілік хаттама толтырылды. Материал әкімшілік сотқа жіберілді. Осы баптың санкциясына сәйкес - алты ай мерзімге жүргізуші куәлігінен айыру көзделген", - деп хабарлады Қарағанды облысы ПД баспасөз қызметі өкілі.
Қазақстан жаңалықтары. Соңғы жаңалықтар. Telegram желісінде бізге жазыл!
