+7 (777) 001 44 99
ПОДЕЛИТЬСЯ
Қарағанды облысында бруцеллез жұқтырған бес адам анықталды. Көп жағдайда инфекция сүт өнімдерін қолдану және оларды жеке тұлғалардан сатып алумен байланысты, - деп хабарлайды Tengrinews.kz тілшісі.
Қарағанды облысында бруцеллез жұқтырған бес адам анықталды. Көп жағдайда инфекция сүт өнімдерін қолдану және оларды жеке тұлғалардан сатып алумен байланысты, - деп хабарлайды Tengrinews.kz тілшісі.
Бруцеллез ауруы Шахтинск және Теміртау қалаларында, сондай-ақ Абай ауданында тіркелген.
"Биыл Қарағанды облысының тұрғындары арасында алғаш рет анықталған бруцеллездің бес жағдайы тіркелді. Былтыр осы аралықта тек бір адам ғана бруцеллез жұқтырған еді. Сондай-ақ, Шет, Бұқар жырау, Абай, Ақтоғай және Осакаров аудандарында адамдар үшін бруцеллез қоздырғышының негізгі көзі болатын ірі қара және ұсақ мал арасында бруцеллездің 391 жаңа эпизоотиялық ошағы анықталды", - деді Қарағанды облысының санитарлық-эпидемиологиялық бақылау департаментінің баспасөз қызметі өкілдері.
Инфекция қоздырғыштары сүт өнімдерінде, қида, пішенде және жануарлардың жүнінде анықталды. Бұл микробтардың сыртқы ортаға таралуын көрсетеді, ол өз кезегінде инфекцияның берілу факторы болуы мүмкін.
"Бруцеллез қауіпті, себебі көп жағдайда ауру адамда инфекция ағымының созылмалы түрі дамиды, ол уақытылы медициналық көмекке жүгінбеген және емделмеген жағдайда мүгедектікке әкелуі мүмкін. Бұл аурудың инфекциядан кейін өткір кезеңі болмауы мүмкін және клиника бірнеше айдан кейін, тіпті, бірнеше жылдан кейін пайда болып жатады", - деп толықтырды облыстық департамент.
Сонымен қатар, санэпидемиологтар тұрғындарды сүт және сүт өнімдерін тек ветеринарлық бақылауы бар дүкендерден немесе базарлардан сатып алуға шақырды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
