01 сәуір 2014 | 17:12

Қарағанды облысында тағы үш ауылды су басып қалуы мүмкін

@alashainasy.kz

Қарағанды облысында өзен сулары деңгейінің көтерілуі салдарынан тағы үш елді мекенді су басып қалуы мүмкін, - деп хабарлайды Tengrinews.kz тілшісі "Қазгидромет" мемлекеттік метеорологиялық қызметіне сілтеме жасап.

Қарағанды облысында өзен сулары деңгейінің көтерілуі салдарынан тағы үш елді мекенді су басып қалуы мүмкін, - деп хабарлайды Tengrinews.kz тілшісі "Қазгидромет" мемлекеттік метеорологиялық қызметіне сілтеме жасап.

"Бүгін, 1 сәуірде Қарағанды облысындағы Киевка елді мекеніне жақын Үлкен Құндызды өзенінің гидрологиялық бекетінде судың деңгейі шамадан тыс көрсеткішке - 96 сантиметрге көтерілді. Бұдан басқа, Нұра өзені бойында орналасқан Шешенқара елді мекені мен Балықты теміржол станциясын су басып қалу қаупі бар. Ол жерде де өзен суларының деңгейі көтеріліп келеді", - делінген ресми хабарламада.

Осыған байланысты Қарағанды облысы бойынша Төтенше жағдайлар департаменті аталған елді мекендерде тұратын халыққа қажетті заттарын жинап, басқа жерге көшуге дайын болуға кеңес беріп отыр.