+7 (777) 001 44 99
Қазақша
Русский
English
30 қыркүйек 2022 | 09:26
Қарағанды тұрғыны жанжалдан кейін полиция қызметкері өштесіп алғанын мәлімдеді
Қарағанды тұрғыны әкімшілік полиция қызметкерін әдепсіз әрекет жасады және қорлады деп айыптады. Тәртіп сақшысына қатысты қызметтік тергеу басталды, - деп хабарлайды Tengrinews.kz тілшісі.
ПОДЕЛИТЬСЯ
Қарағанды тұрғыны әкімшілік полиция қызметкерін әдепсіз әрекет жасады және қорлады деп айыптады. Тәртіп сақшысына қатысты қызметтік тергеу басталды, - деп хабарлайды Tengrinews.kz тілшісі.
Көлік иесі шағымын Instagram желісіндегі пабликтердің біріне жариялаған. Сондай-ақ, ол әкімшілік полиция қызметкері екеуінің арасында туындаған жанжалдың видеосын жариялады. Кадрлардан спорттық костюм киген әйелдің видео авторына дөрекі сөйлеп, тіпті оған әдепсіз сөздер айтып жатқанын көруге болады.
Көлік иесінің шағымы бойынша, полиция қызметкері екеуінің арасындағы кикілжің жол қозғалысы ережесін бұзуға қатысты айыппұл бойынша туындаған. Ер адам тәртіп сақшыларын жол ережесін бұзбағанын және айыппұлдар қате есептелгенін айтып сендірмек болған. Ал полиция қызметкері олай емес екенін айтқан.
"Айыппұл төлеуім керек деп дауласқан ЖБО қызметкерін жазалауға көмектесіңіздерші. Сонымен қатар, 11-нің 10-ы менікі емес және еш дәлелденбеген. Ол ерсі мінез көрсетті, мені мүлде ату керектігін айтты. Содан кейін мен оны камераға түсіре бастадым", - делінген хабарламада.
Сондай-ақ, автор кикілжіңнен кейін тағы айыппұлдар алғанын алға тартты.
"Мен бір аптадан бері жаза ретінде айыппұл алып жатырмын. 300 мыңға жуық ақша төледім. Видеоның соңында ол маған "әлі көрсететінін" айтты. Жеке қауіпсіздік басқармасына арыз жазылған, бірақ ешкім ештеңе істемеді және оны жазаламады. Менімен ЖҚБ-дан ешкім хабарласпады. Қызметкердің мұндай әрекетіне жол беруге болмайды", - деп қосты жазба авторы.
Жағдайға Қарағанды облысы ПД баспасөз қызметі пікір білдірді. Ведомство әкімшілік полиция қызметкеріне қатысты қызметтік тексеру басталғанын хабарлады. Оқиғаның мән-жайын ЖҚБ тексереді.
"Осы факт бойынша әкімшілік полиция қызметкеріне қатысты қызметтік тексеру басталды.
Полиция қызметкерлерінің әдепсіз әрекеті, әрекетсіздігі анықталған жағдайда, облыстық Полиция департаментінің Жеке қауіпсіздік басқармасына хабарласуыңызды сұраймыз", - деді Қарағанды облыстық Полиция департаментінің баспасөз қызметі өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
